Is-Sezzjoni Żgħażagħ Madonna tal-Ġilju qiegħda torganizza Ikla Grandjuża u t-tnedija tad-Diska Uffiċjali fl-okkażjoni tat-30 Sena Anniversarju mit-twaqqif tas-Sezzjoni Żgħażagħ Madonna tal-Ġilju! L-attività ser tkun qiegħda tittella’ nhar is-Sibt 13 ta’ Mejju 2023, ġewwa l-Pjazza tal-Imqabba. Fil-ftuħ ta’ din l-attività ser tkun qiegħda tiġi mnedija ‘live’ d-Diska Uffiċjali li nħadmet fl-okkażjoni tat-30 Sena Anniversarju!
Wara t-tnedija ser tkun qiegħda tintwera l-Finali tal-Eurovision Song Contest ‘live’ fuq ‘big screen’! Għal din l-ikla ser ikun servut varjetà ta’ ikel fuq stil buffet, maqsum fuq bażi tal-ewwel platt, it-tieni platt u kif ukoll deżerta!
- L-ewwel platt jinkludi tliet għaġin bi zlazi differenti.
- It-tieni platt ser ikun ‘mixed grill’, fejn jiġi servut laħmijiet differenti akkumpanjat b’xelta ta’ kontorni.
- L-aħħar platt tkun deżerta friska.
- Ser ikun qiegħed jingħata wkoll ‘drink’.
Donazzjoni għal din l-attività ser tkun ta’ €25 għall-kbar, u €15 għat-tfal taħt it-12 -il sena. Ikkuntattja lil xi membru tal-kumitat jew inkella fuq 79642229, sabiex tirriserva l-post tiegħek!
Inħeġġukom sabiex ma titilfux din il-lejla memorabbli! Grazzi talli bi ħġarkom tattendu għall-attivitajiet li ntellgħu matul is-sena, filwaqt li nittamaw li narawkom għal din l-attività!
