Fl-okkażjoni tal-Festa tal-Immakulata Kunċizzjoni 2024 fl-Imqabba, li qegħda tfakkar il-170 anniversarju mid-definizzjoni u proklamazzjoni tad-Domma tal-Immakulata, il-Konfraternità tal-Immakulata Kunċizzjoni, b’kollaborazzjoni mal-Kappillan tal-Parroċċa tal-Imqabba, se torganizza ċ-ċerimonja tal-Professjoni ta’ Fratelli ġodda.
Din se ssir nhar is-Sibt 7 ta’ Diċembru 2024, fis-6:00pm waqt il-Quddiesa ta’ Lejlet il-Festa. Dawk li jixtiequ jipprofessaw, huma mħeġġa jinfurmaw lid-direzzjoni tal-Fratellanza fuq 79853044.
Il-Festa tal-Immakulata Kunċizzjoni fl-Imqabba se tiġi ċċelebrata nhar il-Ħadd 8 ta’ Diċembru.
