L-ewwel Post għall-isbaħ faċċata tal-Każin għall-Milied
Is-Soċjetà Mużikali Madonna tal-Ġilju kienet dejjem tipparteċipa waqt il-Festi tal-Milied b’għanijiet tal-Milied esegwiti mill-Banda Lily. Fl-1987 ġie deċiż li tipparteċipa f; kompetizzjoni għall-isbaħ faċċata tal-Każin għall-Milied. Is-sistema tad-dawl inbniet minn Teddy Farrugia, John Barbara u Joe Abdilla.
Kien ta’ sodisfazzjon kbir li s-Soċjetà rebħet l-ewwel premju, l-ewwel darba li pparteċipat. Id-disinn sempliċi għalkemm effettiv u oriġinali kien vantaġġ kbir. Din ir-rebħa rrepetiet ruħha għal tliet darbiet konsekuttivi matul is-snin ta’ wara.
