MESSAĠĠ MILL-PRESIDENT
Wara n-numru estensiv ta’ messaġġi li sebquni f’dawn l-aħħar jiem, b’umiltà nixtieq ngħid GRAZZI mill-qalb tal-awguri u l-kuraġġ tagħkom: Il-membri ta’ kumitati u kummissjonijiet, is- soċji u l-partitarji ħabrieka, id-dilettanti u l-ħbieb tal-qalb.
Kien propju bl-istess sens ta’ umiltà li aċċettajt il-kariga tant prestiġjuża ta’ president tas- Soċjetà Mużikali Madonna tal-Ġilju fl-Imqabba, bil-wisq aktar meta ninsab fid-dell tal- president u għalliem, gwida u ħabib tiegħi Teddy Farrugia. L-ebda kliem ma jista’ jispjega l- apprezzament grat lejh tal-karriera kolossali tiegħu fl-istorja tas-Soċjetà, imma nibda u nispiċċa bil-kelma GRAZZI ta’ aktar minn tliet deċennji ta’ presidenza straordinarja imżewqa b’suċċessi suċċessivi.
Ma kont qatt nimmaġina li xi darba għad inkun qed nikteb dan il-messaġġ, imma hawn jien, lest biex naqdi dmiri mill-aħjar li nista’ għall-ġid tas-Soċjetà. Iva, dan huwa żmien diffiċli għal kulħadd, bil-wisq aktar għalina l-membri fi ħdan organizzazzjonijiet volontarji u dilettanti tal- festi Maltin. Huwa żmien li nieqfu u naħsbu, nirriflettu u niddeċiedu. Imma fil-fond ta’ qalbi nemmen ukoll li, fi żmien qasir, l-isfidi lkoll għad ngħelbu u, iva, NIRNEXXU.
Nagħlaq billi ngħid GRAZZI tal-fiduċja u awguri lill-sħabi membri tal-Kumitat Amministrattiv preżenti, hekk kif ninsabu nxammru l-kmiem, lesti biex naħdmu id f’id fil-kitba ta’ paġna ġdida tal-istorja tas-Soċjetà tant għażiża għalina. Fl-aħħar imma żgur mhux l-inqas, l-aktar GRAZZI mistħoqqa tmur lejn il-Madonna li tħarisna f’kull ħin u f’kull mument, DEJJEM – Viva l- Madonna tal-Ġilju!
MIN AĦNA
Li taħdem u tistinka sabiex tgħolli u jkabbar isem din is-Soċjetà u l-Festa tal-Madonna tal-Ġilju, patruna ta’ din is-Soċjetà u li żżomm id-drittijiet kollha kemm qodma u kemm ġodda, li jirrigwardaw il-Każin inġenerali, inkluż il-Fratellanza tal-Immakulata Kunċizzjoni ġewwa l-knisja tal-Imqabba.
Biex tipprovdi rikrejazzjoni lill-membri, billi tipprovdi kwalunkwe ħaġa li kemm jista’ jkun is-Soċjetà jkollha fejn tgħaddi rikrejazzjoni onesta. Dan jikkomprendi l-istudju u l-prattika tal-Mużika, l-arti piroteknika, ix-xogħol fl-armar u attivitajiet sportivi u kulturali.
Li ġġib ħbiberija u armonija bejn l-imsieħba tas-Soċjetà.
TALĠILJU ATTIVITAJIET
TALĠILJU AĦBARIJIET
AĠĠORNAMENT: Il-Bottegin se jerġa’ jiftaħ għas-soċi
Il-Kumitat Amministrattiv u s-sidien tal-bottegin tal-każin tal-Madonna tal-Ġilju fl-Imqabba pubblikament javżaw li l-bottegin se jerġa’ jiftaħ
AĠĠORNAMENT: Il-bottegin tal-każin tal-Madonna tal-Ġilju se jinżamm magħluq
Il-Kumitat Amministrattiv u s-sidien tal-bottegin tal-każin tal-Madonna tal-Ġilju fl-Imqabba javżaw li l-bottegin se jkun qiegħed jinżamm magħluq b’mod indefinit, b’sens ta’ responsabbiltà u sikurezza lejn is-soċi.
Ċirkolari Ġenerali (Diċembru 2021)
Minkejja s-sitwazzjoni delikata li fiha għad tinsab id-dinja kollha, ninsabu wkoll fil-jiem tant sbieħ tal-aħħar tas-sena f’liema niċċelebraw il-Milied u l-bidu ta’ sena ġdida. Daż-żmien ifisser ukoll żmien ta’ riflessjoni fuq is-sena li waslet biex tintemm, li ċertament ma kinetx waħda faċli, speċjalment għall-każini tal-banda u l-festi Maltin b’mod ġenerali.
Bidu tan-novena tal-Immakulata Kunċizzjoni
Nhar it-Tnejn 29 ta’ Novembru 2021 jingħata bidu għal disgħa t’ijiem ta’ Novena ta’ preparazzjoni għall-Festa tal-Immakulata Kunċizzjoni fl-Imqabba
Lily Youths: Applikazzjoni 2021-2022
Is-Sezzjoni Żgħażagħ Madonna tal-Ġilju għandha l-unur tħabbar it-tiġdid tal-għaqda Lily Youths, li tħaddan fiha żgħażagħ adolexxenti b’etajiet minn 12 sa 17-il sena.
